Nafarroako Kontsumoaren Kontseilua
Parte-hartzerako gune egonkorra
Batzar honi buruz
Kontsumoaren arloan eragina duten gizarte eragileen eta administrazio publiko eskudunen ordezkaritza, kontsulta eta parte-hartze organoa da.
Eginkizunak:
a) Kontsumoaren arloan informazioa eta aholkuak ematea.
b) Elkarrizketa, koordinazioa eta laguntza sustatzea kontsumitzaile elkarteen eta enpresa erakundeen artean, kontsumoaren arloan ukitutako gizarte sektoreen arteko eztabaidagunea izatea eta sustapena egitea erabakiak har daitezen kontsumitzaile elkarte, enpresa erakunde eta gai horietan eskumena duten Nafarroako administrazio publikoen artean.
c) Nahitaezko txostenak egitea kontsumoaren arloko xedapen orokorrei buruz ematen diren proiektuen gainean. Ondorio horietarako, xedapenak ez dira kontsumoaren arloko xedapen orokortzat hartuko baldin eta soilik arautzen badituzte eskumena duten administrazio publikoen antolakuntzako alderdiak eta kontsumitzaileen eskubideei zuzenean eragiten ez badiete.
d) Kontsumitzaileen defentsarako ekintzak, programak, antolamendu neurriak, azterlanak eta ikerlanak sustatzea eta administrazio publiko eskudunei proposatzea.
e) Kontsumitzaileak defendatzeko eta haiei informazioa emateko Nafarroako administrazio publikoek dituzten neurri, plan eta jarduteko proiektuak ezagutzea, horien inguruko proposamenak egin ahal izateko, eta arlo horri buruzko azterketa eta txosten interesgarriak ezagutzea.
f) Kontseiluak iritzitako gaiak konpontzeko, organo eskudunei eskatzea beharrezkotzat jotzen dituen txostenak.
g) Kontsumo arloan Nafarroan dagoen problematikari buruz txosten bat osatzea, urtero.
h) Herritarrek, kontsumitzaile gisa duten prestakuntza hobetzea.
Osaera:
a) Administrazio Publikoen ordezkari gisa, honako hauek izanen dira Kontseiluaren parte:
- Batzordeburua: Kontsumoaren arloan eskumenak dituen departamentuko kontseilaria.
- Kontseiluburuordea: kontsumoaren arloko eskumenak dituen zuzendari nagusia.
- Kontsumo Zerbitzuko zuzendaria.
- Nafarroako toki entitateen izenean, ordezkari bat, zeina Nafarroako Udalen eta Kontzejuen Federazioak izendatuko baitu, udaletako ordezkarien artetik.
b) Kontsumitzaileen eta erabiltzaileen elkarteen ordezkari gisa, lau kide. Kide horiek Nafarroako Foru Komunitateko Administrazioko Kontsumitzaileen Elkarteen Erregistroan izena emandako entitateek proposatutakoen artetik aukeratuko dira, honako irizpide hauen arabera:
- Ordezkagarritasun gehien duen erakundetik gutxien duenerako hurrenkeran esleituko zaie ordezkari bana erregistroan ageri den erakunde bakoitzari. Horretarako, erregistroan ageri den bazkide kopurua hartuko da aintzat.
- Gainerako kontseilukideak aukeratzeko irizpide bera erabiliko da, eta beraz, izena emandako erakunde bakoitzak ordezkari bat proposatuko du, hurrenez hurren.
c) Lau kontseilukide izanen dira enpresaburuen edo profesionalen elkarteen ordezkari gisa, eta honela aukeratuko dira:
- Nafarroako Merkataritza eta Industria Ganbera Ofizialak proposatutako bi ordezkari.
- Nafarroako Enpresaburuen Konfederazioak proposatutako bi ordezkari.
Araudia:
Akitxitako departamentua:
Industria eta enpresen trantsizio Ekologiko eta Digitala Departamentua
Partekatu: