Nafarroako PEN 2030 Energia Planaren egunerapena

2018ko urtarrilean, Foru Gobernuak Nafarroako 2030 Energia Plana onartu zuen, Foru Komunitatearen energia-esparruko dokumentu estrategiko nagusi gisa. Planaren helburu nagusia energia-eredu berri bat lortzea zen, kostu ekonomiko handiak eta kanpoarekiko mendekotasun energetikoa murriztuko zituena, eta erregai fosiletan oinarritutako ereduak sortutako kostu sozialak, ingurumenekoak eta pertsonen osasunarenak aldi berean ere murriztuko zituenak.

Planaren eguneratzearekin, planaren ezarpen-egoera ebaluatu eta helburuak berrikusi nahi dira, haren anbizioa areagotzeko eta Europak ezarritako lan-ildoekin bat egiteko.

Hauek dira Plan Estrategikoaren jardun-arlo nagusiak:

- Sektore ezberdinetako lehentasunezko jarduerak: industria, mugikortasuna, eraikuntza, foru-administrazioa, nekazaritza.

- Energia berriztagarrien garapena. Energia sortzea eta kudeatzea: Energia berriztagarriak: hidrogeno berdea eta berrindartzea , elektrizitate- eta gas-azpiegiturak, autokontsumoa, energia-komunitateak eta biltegiratzea.

- Eraginkortasun energetikoa

- Trantsizio justua

- Lehiakortasun-faktoreak: I+G eta teknologia eta sentsibilizazio-prestakuntza

- Gobernantza- eta jarraipen-plana

Lan-metodologia: Plan hau lan-arlo espezifikoetan banatu denez, eremu desberdinetako eragile tekniko eta sozialekin parte hartzeko hainbat topaketa planteatzen dira.

Herritarrek honela parte hartu ahal izango dute Plan honen garapenean:

-Herritarren parte-hartzearen fase publikoan eskegitzen den dokumentuari ekarpenak eginez.

Iradokizunak, proposamenak eta/edo alegazioak aurkeztuz.

Parte hartzeko aldiak

• Ekarpenak egiteko epea 2022ko azaroaren 7tik 2022ko abenduaren 30era bitartekoa da.
• Ekarpenak egiteko gaitutako gunearen bidez